Tað góða við eini samskiftishandbók

Tey bestu viðskiftafólkini eru tey, sum koma aftur og aftur. Tey keypa oftari, tey keypa dýrari, og tey eru ókeypis reklama, tá ið tey viðmæla tykkum til onnur. Men hví er tað so? Hví koma summi aftur? Hví fara tey ikki til kappingarneytan at forvitnast? Svarið er trúvirði. Tit hava knýtt bond. Tey vita, at frá tykkum fáa tey tað, sum tey hava brúk fyri.

Og hvussu við teimum, sum ikki kenna tykkum frammanundan? Teimum, sum bara forvitnast á heimasíðuni, ella sum bara hava hoyrt um tykkum frá øðrum? Kann mann fáa tey at velja tykkum framum?

Svarið er ja, og lyklaorðið er aftur trúvirði. Eitt gott brand kommunikerar greitt, hví tað er til. Við eini samskiftishandbók kunnu tit stíla fyri, at øll fáa ta røttu fatanina av brandinum.

Málráðið er evsti málmyndugleiki í landinum. Her er mynd av samskiftishandbók, sum eg tók stig til at gera saman við teimum

Brandið

Fyrri partur í samskiftishandbókini snýr seg um brandið – tað sum tit samskifta. Eitt brand er varandi, og tí eru allir tekstirnir í fyrra parti at meta sum høgdir í grót.

  • Alt, sum tit umboða – kókað niður í ein setning

    * Summar fyritøkur hava longu eitt slagorð, so hetta er ikki íroknað, men kann keypast eyka fyri serprís.

  • Ein endamálsorðing er eitt felags peilimerki hjá øllum starvsfólkunum. Hon liggur til grundar fyri alt virksemið, so at øll starvsfólkini vita, hví tey fara til arbeiðis um morgunin. Hesin tekstur er einamest til innanhýsisnýtslu, men kann eisini verða nýttur sum íblástur, tá ið aðrir tekstir – eitt nú lýsingatekstir – verða skrivaðir.

  • Hvussu presenterar tú teg fyri øðrum? Hvørjum standa fólk eftir við, tá ið tey hava møtt tær, og tú hevur greitt frá, hvat tú tekst við? Eitt elevatorpitsj er ein 30-sekunds røða, sum er skraddaraseymað til júst hetta høvið. Hetta pitsjið hjálpir tær at vísa arbeiðsplássið frá síni allar best síðu, so at fólk fáa ta ætlaðu fatanina av tykkum.

  • Eitt brandvirði er kenslan, sum hongur við, tá ið mann hevur hoyrt, sæð ella lisið eitthvørt, sum hevur við brandið at gera. Viðskiftafólk minnast ikki altíð, hvat tit siga, ella hvat tit gera – men tey minnast, hvussu tey kenna seg í samveru við tykkara brand. Mann rópar ikki hart um brandvirðini. Tey búgva undir yvirflatanum í boðskapum og sniði og gerast ein subtilur partur av brandingini.

  • Tað er íborið menniskjum at geva bæði ítøkiligum og óítøkiligum lutum persónligar eginleikar. Tí er neyðugt at stíla fyri, hvør henda persónligheit er. Í praksis letur tú sum um, at tú ert hesin persónur, hvørja ferð tú skrivar ein tekst. Alt samskiftið, uttan mun til hvussu nógvir pennar og starvsfólk eru, skal t.d. hava eitt og sama tónalag.

Brandingin

Seinni partur snýr seg um sjálva brandingina – hvussu tit samskifta. Branding er ein gerð, og í hesum parti eru kekklistar og góð ráð til alt samskiftið.

  • Stílur er ikki eitt eingangsfyribrigdi. Tað er ein endurtøka av formi. S.J. Mikines hevði ein ávísan stíl, tí hann málaði ofta upp á sama máta, hóast myndevnið var ymiskt. Tað sama gera tit, tá ið tit skriva tekstir. Boðskapurin kann vera ymiskur, men teknseting, setningsbygnaður, styttingar o.a. skal vera reglufast.

  • Tað er ymiskt frá brandi til brand, hvørji orð hava týdning. Í samskiftishandbókini er ein listi við orðum, sum tit skriva, og orðum, sum tit ikki skriva. Orsøkin er ikki, at orðini í sjálvum sær eru skeiv ella vánalig, men heldur, at ávís orð umboða ávís virði.

  • Tú tosar ikki upp á sama máta, tá ið tú tosar við vinfólk, sum tá ið tú tosar við fremmand fólk. Tað sama fer fram í brandingini. Tónalagið verður tillagað til móttakaran, og her snýr tað seg um at samskifta í eygnahædd.

  • Ein málbólkur umboðar ikki øll. Hann umboðar tey, sum tú samskiftir mest við og sum mest sannlíkt halda samskiftið vera spennandi. Henda smala málbólk skalt tú hava í huga í øllum útgangandi samskifti.

    Tá ið tú kennir aldur, kyn, áhugamál, lívsstíl og tørv hjá hesum fólkum, so kanst tú skraddaraseyma boðskapin, so at hann bæði er viðkomandi og fangandi.

  • Samskiftispallarnir kunnu sjáldan teljast á einari hond longur. Telefon, teldupostur, kjatt, sosialir miðlar, tíðindabrøv, video, streaming o.s.fr. Tí er gott at fáa yvirlit yvir, hvussu man samskiftir á hesum ymisku støðum, og ikki minst hvat ið endamálið er. Hesin kapittul snýr seg um tvey sløg av samskifti – einvegis og tvívegis samskifti.

Soleiðis fer hetta fram

Vit gjøgnumganga 10 spurningar í felag. Hetta tekur 2 tímar, har ið summir spurningar eru drúgvir, og summir lættir. Best er, at tit eru eini 2-3 starvsfólk í tali, so at vit fáa sum mest burtur úr kjakinum.

1.

Eg savni harnæst upplýsingarnar saman, sum eg so skrivi samskiftishandbókina út frá. Næsta umfar er aftur ein fundur, har ið eg fari ígjøgnum innihaldið saman við tykkum. Tit koma við viðmerkingum ella rættingum, sum eg so føri inn.

2.

Tá ið alt innihaldið er góðkent, so verður samskiftishandbókin sett upp, og tit fáa hana sendandi. So er nýggja kósin í fyritøkuni sett.

3.

Skulu vit fara í gongd?

Um meg

Eg eiti Henry á Fríðriksmørk, og eg havi eina MA í føroyskum umframt eitt áratíggju av royndum sum teksthøvundur, har eg havi givið landsins størstu fyritøkum eina sterkari rødd og harvið sterkari pláss í vinnuni.

Les nærri